كنت بدارى نفسى فى وجع الناس التانية ,دايما بسمع علشان متكلمش والكل فاكر انى مبسوط اومكبر دماغى او عامل نفسى مش واخد بالى (مع انى والله بفهم .اى نعم فهمى على قدى .بس بفهم وعلشان اثبت لنفسى انى بفهم قررت اتعامل مع نفسى باحترام ) متستغربش انا لازم الاقى طريقة اتعامل بيها معايا؟انا عارفنى كويس .عيل لبط ومجنون وفاكر نفسى شاعر كبير ولماا توجع اقول لنفسى انت اكبر من الوجع واصدق نفسى ولما انجرح ببعد ومقولش اسباب البعد ؟ طبعا ازاى اعترف انى انجرحت .....ولما افرح اتنطط وازقطط واكسر الدنيا ودايما بتفرحنى حاجات هبلة وبتزعلنى حاجات اهبل واقفل من الدنيا واخد جنب .....المهم لقيت الطريقة
اللى اتعامل بيها مع نفسى كمحترم من غير ما اخسرنى
اصلى برضه بحبنى
هتسالنى عن الطريقة قررت ان اعامل نفسى كمواطن رغم انى ادرك جيدا ان الجميع يعاملوننى كمستوطن على ارض مصر
ولاننى مواطن محترم(هكذا ارى نفسى ) قررت
ل
م
و
ا
ط
ن
م
ن
ح
ق
ه
ى
ق
ر
ر
قررت ان اكون انا انا
مواطن من الدرجة الاولى
يؤدى ماعليه من واجبات
ويأخذ ماله من حقوق
ولأننى لم اخذ واعتقد اننى لن اخذ (فى المستقبل القريب على الاقل) ولو جزء من حقوقى قررت ان اكون
(مشروع مواطن)
وانا الان كمشروع مواطن عدت الى الكتابة الى الشعر الى القول الى البوح الى صنع الصدقاء الى الاكتشاف ولحين حصولى على المواطنة الكاملة سأكتب كل شيئ باختصار
ساكتب الفضيحة
اياد
هناك تعليقان (٢):
لا ياإياد انت فعلا شاعر كبير .
مجنون وجنانك عين العقل
إرسال تعليق